Manifeste affirmant le caractère un et divers de la langue d'Oc

Ten ! "Realista" es desvelat ! Enfin ! e repren son espòrt favorit : passar son temps sus los forums de tota mena amb sa vertat infusa, sas certesas tancadas, que l'an fach passar dins una vida ja longa, del PNO al Felibritge puèi a una oposicion al dich Felibritge, puèi... qual sap de que serà l'avenidor. Coma per lo couleitieu Prouvènço, poiriai donar de citacions de las agarridas d'Ives Gorgaud contra la tèrra entièra o quasi... Ai d'archius...
Per completar lo retrach, podèm dire qu'es estat titulari del CAPES d'occitan e li podèm demandar, a el, lo donaire de leiçons universal, quin es lo bilanç de son trabalh professional : quantes escolans ?
Domatge. Ives Gorgaud es un òme de granda, d'immensa cultura, que fai un trabalh enòrme dins son canton e que, se passava pas sa vida a jogar lo zorro, poiria portar fòrt al trabalh d'espandiment de nòstra lenga e de nòstra cultura...
Solament, lo trabalh militant, collèga, demanda d'abòrd de se fretar al collectiu (sens jòc de mots : imagini l'efièch qu'a pogut te faire, del temps que fricotavas amb eles (cf : http://www.dailymotion.com/video/xa2mtn_diversite-des-langues-d-oc-4-www-cr_lifestyle) lo gorg (sens jòçc de mots) d'ignorància e de bestiesa de bona part de sos dirigents...
Bon, Joan Frederic, aquel messatge es un messatge d'umor. Se lo vòls levar d'aquel forum, fai-o, dins l'interès de çò que fasèm. E prepausi tanben que se leve d'aqui totes aqueles comentaris independentistas que pòrtan RES a la peticion qu'avèm abrivada.
Los independentistas o politics de tota obediéncia, an lo drech a sas opinions (ai las mias tanben que tot lo mond coneis) mas es pas lo luòc sus aquel forum. Crear una peticion es aisit coma tot. Se n'i a que ne vòlon crear una per l'independéncia d'Occitània o per un soviet occitan, los regarda : qu'o fagan, e comptarem amb amusament lo resson de sas idèas. Mas pas aqui, vos en pregui : aqui, defendèm çò que nos es comun : una lenga que vòl viure !