Soutien à la candidature de l'UGTT au prix Nobel de la paix 2014


Visiteur

/ #4

2014-06-04 11:22

الإهداء : إلى الاتحاد العام التونسي للشغل
الليل تمد على الدوار.. ياما والشموع ضنينة
الشمس اللي ضوت جهار.. طفتها الرياح الشينة
وصت قلب وصية نار.. ضووا هالدروب بعينة
وقولوا يا شموع الدار ..دوارنا لدار المحاين جينا

يحكي بلقاسم القناوي ..والدمعة تنزل من عينه
على ماضي أيام تعدت ..حتى فى أرواحنا تنسينا
رغم الجهل الروس يربط.. واستعمار يحاصر فينا
عدينا أيام الشدة ..وحجرة حجرة الدار بنينا

ويضيف قاقي والكوكي.. صدقوا وتواريخهم زينة
فى جانفي ستة وعشرين.. يوم خميس طويل علينا
عبدنا مسالك فى الحين.. بالراحة تشقه رجلينا
العبد يشق طريقه واضح.. يعرف إيساره من إيمينه
واللي استشهد من أجل العزة.. تفتح وردة فوق جبينه

ومن بعد جات الصولات.. ويقولوا الشرفاء هاهوما
وقتاش وليتوا شرفاء.. حتى يموتوا كبار الحومة؟؟
وقفنا فى صف صناديد وتعدت أيام مشومة
ومن يعد رجعنا فى الحين.. رجعنا للدار نجومه
قلنا شريف متاع نعاس.. ارجع أرقد أطول نومة
إللي ما عندوش احساس.. من الطير يختار البومة
أما احنا سلالة حشاد.. والحامي قرينالو علومه
أحنا جيل وأورانا أجيال.. زيد خوذ من هالمعلومة
أحنا مازلنا على الكلمة.. هذيا حجة متمومة

الناصر الرديسي