حركة تمرد لسحب الثقة من المجلس التأسيسي و كل السلط المنبثق عنه

حركة تمرد

لسحب الثقة من المجلس التأسيسي

و كل السلط المنبثق عنه

ما تبدل شي، الأمن ما فماش و زادونا الارهاب و الزوالي ولا ميت بالجوع و البلاد تباعت و الطرابلسية الجدد طلعوا قطعية و سراق أكثر ماللي قبلهم. مجلس تأسيسي انتخبناه باش يعمل دستور في عام ياخي تجاوز صلاحياتو و غرقنا في القروضات -كونه فقد شرعيته بالفعل اعتباراً من يوم 23 نوفمبر 2012، وذلك وفقاً للبند السادس (6) من المرسوم رقم 2011-1086 بتاريخ 3 أوت 2011، الذي ينص أن "يجتمع المجلس الوطني التأسيسي بعد تصريح اللجنة المركزية للهيئة العليا المستقلة للانتخابات بالنتائج النهائية للاقتراع، ويتولى إعداد دستور البلاد في أجل أقصاها سنة من تاريخ انتخابه-

دستور صرفنا عليه فوق ال140 مليار و ما فيه حتى حاجة لمصلحة المواطن الزوالي، بالعكس دستور لمصلحة الأحزاب الحاكمة و المعارضة المتواطئة.

رجال عطاو دمهم لتونس و خسروا عليهم بطاقة جريح ثورة و كارطة تنقل في الكار الصفرا و كل ما يتكلموا يضربوهم و يلفقولهم كل مرة تهمة باش يسكتوا

رانا فدينا و ماعادش انجموا نعيشوا في الخوف و الحيرة و الجوع، أحنا الشباب التونسي اللي عمل ثورة شغل حرية كرامة وطنية حلمنا بتونس جديدة بعد ما رجعتلنا ياخي سرقوهالنا و ندمونا على أحلى ثورة حتى برشه ولاو يتمناو بن علي يرجع.

الثورة توه بدات يا توانسة و أحنا وحدنا اللي باش نكملوها من غير ما يكون معانا حتى حزب و حتى ايديولوجيا غير العلم و تونس

ايجاو معانا نمنعوا تونس و نكملوا اللي حلمنا بيه بعد 14 جانفي، و يزينا ما رقدنا و صبرنا.

تمرد يا تونسي يا خويا يا اللي خليت الدنيا الكل تاقفلك.

تمرد يا تونسي يا اللي خليتنا نفتخروا اللي أحنا توانسة و نهز راسي و نقول أنا تونسي و راسي عالي

أنا تونسي متمرد و أفتخر

 

لذلك،

أعلن أنا الموقع أدناه بكامل إرادتي، وبصفتي مواطن تونسي حر وغيور على مصالح بلدي واستقلاليتها، سحب الثقة من المجلس التأسيسي والسلطات المنبثقة عنه، وأدعو لسرعة خوض انتخابات جديدة حرة ومستقلة وبمراقبة دولية نزيهة، وأتعهد بالتمسك بأهداف الثورة والعمل على تحقيقها ونشر حملة تمرد بين صفوف التونسيين حتى نستطيع معاً تحقيق مجتمع الكرامة والعدل والحرية والعدالة الجهوية والاجتماعية .

 


Mouvement de désobéissance    Contacter l'auteur de la pétition

*Prénom
*Nom de famille
*Ville
*Pays
CIN
*Adresse de courriel
Rendre publique votre signature ?
Votre adresse de courriel ne sera jamais affichée publiquement, ni divulguée à qui que ce soit.